El Festival de Cine de Xixón entama esti xueves

Güei xueves inaugúrase el 45º Festival Internacional de Cine de Xixón. Xunto cola gala inaugural, que va entamar nel Teatru Xovellanos a les 20:30 hores, la xornada incluye l'actuación en directu del cuartetu del cantautor y compositor James Taylor. Javier Veiga va ser el presentador de la gala, na que va proyectase la cinta "The Darjeeling Limited" de Wes Anderson, va ser la película d'inauguración.

Les proyecciones del festival inclúin los 18 títulos que compiten na Sección Oficial, amás de les docenes de cintes que van poder visionase nos ciclos paralelos, dende'l de cine xuvenil "Enfant terribles" a los monográficos centraos n'autores, casu del del director xaponés ShinyaTsukamoto, el polacu Pavel Pawlikowski o'l dedicáu al cine alemán, con cintes de Wim Wenders o Werner Herzog.

Tocante a la creación asturiana, amás de les cintes que se proyecten nel tradicional "Día d'Asturies" rescampla la proyección nel ciclu "esbilla" de dos llargos sobre'l conflictu de Naval Xixón: 'El astillero (Perdonen las molestias)', d'Alejandro Zapico, y 'Cándido y Morala, ni un paso atrás', de Ruth Arias, ello amás de la presencia ente los 16 curtios de la sección oficial de "Darío y Verónica", del asturianu Alberto Rodríguez, ganador del Premiu Nuevos Realizadores 2006.