El Festival Astur Romano de Carabanzo va vivir un parón esti añu

|
Ástures en Carabanzo

La intención de la organización del popular certame ye recuperalu nel 2019.

Ástures y romanos nun van vese les cares n'agostu en Carabanzo como venía asocediendo nos últimos 12 años. El Festival Astur Romano nun va celebrase esti añu "por problemes loxísticos y téunicos", según reza un comunicáu difundíu na cuenta oficial del certame en redes sociales.

El nun poder entamar el festival "coles garantíes suficientes de que too saliese, al menos, como nes ediciones pasaes" lleva a tomar esta decisión dolorosa. Sicasí, la organización asegura que "yá tamos buscando soluciones pa celebrarlo nel añu 2019. Esto nun ye un final... Ye un reiniciu".

Contador Estadistiques