El Farho Xixón Baloncestu nun tuvo posibilidaes escontra`l Lleida

El Farho Xixón Baloncestu perdió col Plus Pujol Lleida por 84-69 nun partíu nel cuasi nun tuvo oportunidaes, pues siempres foi perbaxo nel marcador y namás una vegada tuvo per delantre, nel primer cuartu con un 12-14. El desaciertu nos tiros de campu (los xixoneses namás encestaron 28 de 72 intentos, un 39%), los balones perdíos (18 por 12 de los catalanes), asina como`l fechu de que Brandon Wolfram cargóse bien ceo de personales, foron los aspeutos que ficieron que l´equipu xixonés nun tuviera posibilidaes de ganar el partíu. Los asturianos namás foron superiores nel rebote, garrando 37 por 36 del contrariu.

L´alcuentru entamó igualáu hasta que Wolfram fizo la segunda personal y asina los ilerdenses tuvieron el camín más fácil. Foron los meyores minutos de los xixoneses y cuando tuvieron penriba nel marcador, 12-14, amás d´encestar Wolfram 6 puntos. Dempués el Lleida púnxose per delantre y llegóse al descansu con un 44-34 que yera percómodu pa los locales.

La segunda parte pa los catalanes, cola ventaya de 10 puntos, que en dellos momentos foi hasta de trece puntos, foi percómoda finando'l tercer cuartu con un 62-50. El caberu periodu entamó con una desventaya de 15 puntos (67-52), pero`l trabayu de Bigelow y Morentin averaron a los asturianos a nueve puntos (68-59), pero foi un espeyismu, pues el Lleida apertó y púnxose de nueves a 16 puntos y hasta finar col conocíu resultáu de 84-69.

Nel Plus Pujol Lleida los meyores foron Rickert (13 puntos, 8 rebotes, 1 asistencia, 1 balón recuperáu, 1 tapón y 4 faltes personales recibíes), Alex Urtasun (16 puntos, 2 rebotes, 2 balones recuperaos y 4 personales recibíes) y Bernardino Tamames (7 puntos, 8 rebotes y 1 balón recuperáu)


Nel Farho Xixón Baloncestu`l meyor foi Roberto Morentin (18 puntos y 11 rebotes). Tamién hai de destacar a Brandon Wolfram (9 puntos, 6 rebotes, 2 balones recuperaos y cinco faltes personales recibíes) y a Mark Bigelow (14 puntos, 6 rebotes, 1 balón recuperáu, 1 tapón, anque 12 puntos llogrólos na segunda parte cuando`l partíu taba yá rotu).

Alliniaciones:

Plus Pujol Lleida: Jaume Comas (8), Damon Johnson (7), Alex Urtasun (16), Rickert (13) y Demba Mbengue (9). Tamién xugaron: Albert Sabat (10), Marcus Vinicius (3), Bernardino Tamames (7), José Salvador Arco (4) y Sergi Grimau (7).

Farho Xixón Baloncestu: Josh Fisher (7), Chus Poves (5), Mark Bigelow (14), Roberto Morentin (18) y Brandon Wilfram (9). Tamién xugaron: Antxon Iturbe (4), Rubén Suárez, Juan Ignacio Jasen (5), Francis Koffi (4), Iñaki Narros (2) y Dani González (1).


Árbitrios: Carlos Avilés Antón y Raúl Sánchez Martín. Nengún de los dos equipos tuvo eliminaos por cinco faltes personales. Partíu de la tercera xornada de la Lliga LEB xugáu nel Pavello Barris Nord de Lleida con unos tres mil quinientos espectadores. Parciales per cuartos: 22-18, 22-16, 18-16 y 22-19.