El dúu Antón Menchaca abre'l Ciclo Folk de Cámara Ígor Medio

El conciertu protagonizáu por Ana Belén Antón y Pedro Menchaca ye'l primeru de los trés previstos nel Muséu Casa Natal de Xovellanos los vienres próximos.

Juventudes Musicales de Gijón entama'l Ciclo Folk de Cámara Ígor Medio dientro de 'Los Conciertos del Muséu', que va celebrase a les 19.30 hores con entrada llibre. La primer formación n'actuar va ser Antón Menchaca, qu'en malpenes dos años de trayeutoria consolidóse como una de les apuestes más orixinales y arriesgaes del panorama musical asturianu al abrir la tonada a espacios físicos y sonoros nuevos.

El vienres siguiente'l turnu va ser pal tríu formáu por Marga Lorences, Merce Santos y Dolfu R. Fernández, mentes que Paul Balmori, Juanjo Marqués y Santi Galgera van poner el ramu'l 2 d'avientu a esta edición del ciclu que lleva'l nome del músicu de Felpeyu fináu hai diez años n'accidente de tráficu.