El documental 'Diez años en Camín' emítese en TPA

|
Equipu de 'Diez años de Camín' en Cuideiru con Carmelina

L'históricu 'Camín de Cantares' pon fin al so viaxe con esta serie dividida en trés episodios na que Xosé Antón Fernández 'Ambás' visita a doce de los entrevistaos nesti tiempu.

Dirixíu, al igual que'l programa, por Ramon Lluís Bande, 'Diez años en Camín' pretende reencontrar a dalgunos de les 400 persones que charraron con Ambás nesti espaciu de TPA qu'ayudó a dignificar y revitalizar la recuperación de la tradición oral del país, amás de crear un fondu documental d'un valor incalculable. El conductor del espaciu torna a entrevistar a doce d'elles y xunto con Elías García y Pepín de Muñalén, esto ye, el so grupu Tuenda, reellabora delles pieces.

'Diez años en Camín' va emitise nos trés martes próximos dientro del espaciu 'Asturias.doc', que ta acabante de presentar el documental 'Patrimoniu', de Marcos Martínez Merino. La estrena va ser esta nueche de magar les 22.10 hores.

L'equipu de 'Diez años en Camín' xunto con Carmelina, una de les protagonistes, en Cuideiru.

Contador Estadistiques