El direutor de la RAE nun apoya la especialidá docente

Darío Villanueva, el filólogu gallegu d'orixe asturianu direutor de la RAE, dixo apoyar la defensa de la llingua asturiana, pero non la especialidá docente. Fixo estes declaraciones a TPA.

Ente les cuestiones que trató cola periodista de 'TPA Noticias', el máximo responsable de la Real Academia Española (RAE) posicionóse a favor de la llingua asturiana, pero ensin facer referencia a la oficialidá del idioma, y nun vio necesaria la creación de la especialidá docente. Mentes, sobre la incorporación de pallabres asturianes al 'Diccionario de la lengua española', como 'orbayo' o 'argayo', apuntó que se fai por ser términos "d'usu común".