El director de la Selmana Negra diz que ye “pueblerino” preocupase por escribir “Xixón o Gijón”

Dempués de rematar la XVII edición de la Selmana Negra, que peslló según los datos oficiales, con más d'un millón de visites, el director del eventu multicultural del veranu xixonés participó esta mañana nun chat colos llectores del diariu "El Mundo". Ente les entrugues que-y plantegaron los llectores del diariu madrileñu entró la cuestión del usu de la llingua asturiana na Selmana Negra, una polémica de vieyo que, en dellos años, llevó a protestes de la Xunta Pola Defensa de la llingua en recintu de la feria.

Énte la entruga d'un de los participantes en chat sobre por qué la Selmana siempre emplegaba la forma "Gijón" en cuenta de Xixón" y nun atendía pa la cultura asturiana, Taibo respondió que 4 de los 9 conciertos grandes foron d'artistes asturianos y que toles noveles negres escrites "en Bable" se presentaron na SN. Dempués d'esplicar toles manifestaciones de cultura y historia d'Asturies na Selmana Negra, Taibo esplicó que tenía la "plena sensación" de que pueblerino ye preocupase por si escribimos 'Xixón' o 'Gijón', xustificando l'usu de la segunda forma por razones "de comodidá al referencianos al mundu esterior".

Ver equí el chat completu