El dique de L'Arena va ser oxetu d'una reforma

|

Ta afeutáu por múltiples fundimientos.

La Conseyería d'Infraestructures, Ordenación del Territoriu y Mediu Ambiente destinará 198.940 euros a les obres de reforma del dique de L'Arena, en Sotu'l Barcu, dende la escollera de la ría hasta'l cargaderu de formigón. El proyeutu cuenta con un plazu d'execución de nueve meses.

El tramu del dique que se reformará ta afeutáu por fundimientos por mor de l'aición continua de los fluxos de marea, folaxe y corriente del ríu, y a la permeabilidá de la escollera; una situación de deterioru que se vio agraváu pol argayu de dellos peñascos.

Les obres consistirán na formación d'una estructura d'escollera compuesta por trés capes diferentes, con un grosor total de cuatro metros. Posteriormente, repondránse los bloques de cantería nel cantil, executaráse una acera de formigón y repondráse'l pavimentu de lloses de pizarra, asina como los firmes y pavimentos del vial y la barandilla afeutados poles obres.

 

Contador Estadistiques