El diputáu vascu Aitor Esteban va poner una conferencia en Xixón

Entámala la Sociedá Cultural Xixonesa.

Aitor Esteban, voceru d'EAJ-PNV nel Congresu, va poner la conferencia 'Estructura y desestructura territorial del Estado: una visión desde Euskadi' esta tarde na Escuela de Comerciu. "L'alderique sobre l'actualización del diseñu territorial del Estáu ye ún de los asuntos pendientes de la nuesa democracia. Cuestiones como el cogobiernu, la financiación autonómica o'l debate sobre una posible reforma constitucional lleven años sobrevolando l'alderique políticu", apunten dende'l coleutivu organizador del actu, que recuerda que "el nacionalismu vascu y de manera especial el PNV constituyóse históricamente como ún de los principales protagonistes d'esi debate que de manera recurrente condiciona l'axenda política".

Por esti motivu convida a Esteban, "una voz autorizada pa poder comprender meyor les claves d'una cuestión tan complexa como imprescindible". La intervención de vascu va tener llugar a les 19 hores.