El diariu ‘La Voz de Asturias’ dexa d’espublizase tres 89 años de vida
|
19 Abril, 2012 por E.P. / Redacción
- Inicie sesión o rexístrese pa espublizar comentarios
La crisis nun da tregua a los medios de comunicación asturianos. Tres el pieslle de ‘Les Noticies’, el diariu ‘La Voz de Asturias’, con 89 años de vida, conviértese na víctima siguiente. El vienres nun var tar nos quioscos asturianos.
El 23 d’abril del 1923 salió a la cai’l primer númberu de ‘La Voz de Asturias’, cabecera fundada por José Tartiere Lenegre. Güei, cuando faltaben 4 díes pa cumplir los 89 años redondos de vida, la empresa anunció’l so pieslle por nun superar el concursu d’acreedores declarao por Mediapubli, propietaria del periódicu, el 11 de xineru pasáu. Unos trenta trabayadores van dir al paru pol zarru del diariu, yá que tampoco va continuar cola so actividá n'Internet.
"Nestos momentos difíciles, la direición y los trabayadores de ‘La Voz de Asturias’, incluyíes toles xeneraciones de grandes profesionales que formen parte de la historia del diariu, quieren amosar l’agradecimientu a los miles de llectores, ensin los qu’esta aventura de casi un sieglo fuera imposible", despidiéronse dende la redaición del periódicu.
Efrén d'Andrés
Lo + visto de la selmana
Comentarios
Yera d'esperar. Eso non yera ma'l PRAVDA de la F$A-P$O€. Agora, yá solo falta que vaiga dar ortigues La Nueva Castaña, que yá fiede de tanto facé-y la rosca al "Pelucu" (H.avier Fernández del xalé obriru de Somió).
Dafechu dalcuerdu. La "Prensa Rexonal", incluyendo La Voz, ye antiasturiana y antiasturianista. ¿De qué va vivir esi mozu que taba tan obsesionáu con Rubiera, sí esi de la clá moza esi del grupín qu´entamó escribiendo en bable provincial pa promocionase y porque en dellos ámbetos d´IU-FSA lo bable sonaba a cosa progre, pero qu´agora mándelo too n´español? ¿ehhh? Miguelín: hai que trabayar, llevantase ceo, poner el reló, sacase unes oposiciones o faer entrevistes de trabayu, que los duernos tán acabándose. ¿quieren que llore por un periódicu que sirvió, como El Beberciu y la Nueva Engaña, p´amordazar la llingua asturiana y pa enchufar a los "Niemeyer´s boys"? Mirái, neninos, nin una sola llárima. A buscase la vida, como ficimos los demás. Agora, polos que nun yeren periodistes nin pseudo-asturianistes, llaméntolo daveres.