El Día Mundial de la Poesía celébrase con un gala poético-musical

19 poetes, 2 pintores y 3 dúos participen en 'Primavera eterna', con presencia d'autores n'asturianu y gallego-asturiano, cola que se conmemora esti 21 de marzu.

Con esta gala poético-musical entamada pola Asociación d'Escritores d'Asturies nel uvieín Teatru Filarmónica, que lleva l'apellíu 'Versos caPAZes', nun claru alegatu pola paz, va celebrase esti añu'l Día Mundial de la Poesía. Un espaciu nel que van convivir les trés llingües falaes nel país nos versos d'Ánxel Álvarez Llano, Xulio Arbesú, Gema Bravo, Alejandra Caldevilla, Mirta Chamorro Mielke, Ana María Juliá Tolrá, David Fueyo, Gala Fueyo, Alma Hidalgo, Inaciu Galán, Ana García de Loza, María Esther García López, Fini Gómez, Marisa López Diz, Gonzalo Llamedo, Carmen Nozal, José María Ruilópez, Carmen Sánchez y Armando Vega.

La parte musical va ponela Gema Bravo & Jorge Colsa, Mestura y Haim Álvarez & Alfredo Morán, que presenten 'Por un puñado de versos' con Bego Venegas, Chus Fernández y Fernando Malva. Amás, va tar soble les tables de Filarmónica les artistes Desirée Rodríguez Martínez y Mara Rodríguez Huerta.

El Día Mundial de la Poesía vien celebrándose dende l'añu 2000 el 21 de marzu coincidiendo col equinocciu de primavera. L'actu principal n'Asturies pa conmemoralu va arrancar a les 19.30 hores, con entrada llibre hasta completar aforu.