El día de San Miguel celébrase cola seca como protagonista

El día de San Miguel, tradicional fiesta del campu asturianu, celébrase anguaño cola anuncia por parte de la Conseyera de Mediu Rural Sevanda García de que la seca que se sufrió esti branu echó a perder a lo menos el 30% y posiblemente hasta'l 40% de la collecha agrícola n'Asturies, una cantidá global na que'l maiz y el pastu foron los cultivos que más dañu sufrieron. Nel casu de la ganadería, bien de pastores tuvieron de baxar el ganáu del monte con adelantu sobre la fecha normal en cuantes que se-yos acabare'l pastu primero de lo qu'ellos contaben, anque non toles zones d'Asturies se vieron tan dañaes pola falta d'agua, siendo sobremanera pa la parte del occidente onde más s'acusó. La conseyera, que participó na inauguración de la feria Agropec en Xixón, nun descarta pidir ayudes compensatories al Ministeriu d'Agricultura.