El Día de les Biblioteques vien otru añu más con cartelu n'asturianu

'BibliTEcuida' ye'l lema qu'usa esti añu'l ministeriu pa celebrar el 24 d'ochobre.

La Direición Xeneral del Llibru y Fomentu de la Llectura, al traviés de la Subdireición Xeneral de Coordinación Bibliotecaria, impulsa dende'l 2019 Día de les Biblioteques, que va 2 años qu'incorpora l'asturianu na so promoción. Enfocáu sobre manera a un públicu infantil y xuvenil, acompáñase d'un cartelu especial, diseñáu nesta ocasión por Xulia Vicente, qu'asoleya en toles llingües peninsulares reconocíes nos estatutos d'autonomía.

A diferencia del añu pasáu, cuando'l Ministeriu de Cultura y Deporte presentaba ún por comunidá, nesti namái espubliza una versión en castellanu pa tol Estáu y otres diferentes nes diferentes llingües. Nel casu del asturianu sigue ufriendo dos versiones: en 'bable' p'Asturies y en 'asturleonés' pa Castilla y Lleón.

Sicasí, nes etiquetes coles que se promociona la xornada nun tienen en cuenta al nuesu idioma nin tampoco al aranés y al aragonés.