El derbi yá tien horariu: domingu a les 21 hores

El partíu ente l'Uviéu y el Sporting va xugase nel Tartiere televisáu per canal de pagu.

LaLiga ta acabante de confirmar los horarios de la xornada 5 de Segunda División, nuna fin de selmana de parón de seleiciones na que'l calendariu teledirixíu asitió un añu más el derbi asturianu, lo que podría dexar a dambos equipos ensin dellos xugadores. Los azules van ser los anfitriones nel choque de la primer vuelta, programáu pal domingu 11 d'ochobre a les 21 hores, previa de festivu.

Por mor de la prohibición del accesu de públicu nel fútbol profesional, esti clásicu ente los dos equipos asturianos de Segunda División va tener que ser siguíu per televisión polo aficionaos. Nesta ocasión nun va ser n'abiertu, yá que se va emitir pelos canales de pagu Vamos y Movistar LaLiga.

Na semeya, un momentu del últimu derbi nel Tartiere, que finó con empate ensin goles.