El cultu a la Santina como antecedente de los Centros Asturianos dende 1732

|
El cultu a la Santina como antecedente de los Centros Asturianos dende 1732

La  Virxe de Cuadonga, o La Santina foi un elementu qu'axuntó a les comunidaes asturianes nel esterior dende hai más de 300 años. México o Madrid son dos de les agrupaciones más antigües

El Muséu del Pueblu d'Asturies en Xixón ta acabante recibir donación d'unos documentos pertenecientes a la Congregación de Nuestra Señora de Covadonga de Naturales del Principado de Asturias en Madrid, que daten del siglo XVIII.
Los documentos, según el Muséu "ufierten una valiosa información sobre'l patrimoniu de la congregación, los nomes de los donantes y la impresión de grabaos con la imaxe de la Santina y el santuariu, que foron los primeros grabaos d'esta mena que se fixeron sobre Cuadonga".

La Congregación fundóse en Madrid en 1743 con fines relixosos y asistenciales, y ye la primer asocación fecha por xente asturiano fuera de la so tierra y antecedente de lo centros de asturianos que van faciéndose dende'l final del sieglu XIX. Nesa agrupación madrilana pertenecieron figures como'l Conde Campumanes, Xovellanos, Cean Bermúdez, Carlos González Posada, Francisco Martínez Marina o José Francisco Uría.

Antecedente en Méxicu

En 1784 sabemos que se producía'l reconocimientu oficial en México d'una agrupación asemeyada, la "Real Congregación de Nuestra Señora de Covadonga".

Sicasí, grupos d'asturianos yá llevaben décades aconceyando nel país americanu una cofradía de "Originarios y Naturales del Principado de Asturias" que, ente otres actividaes, yá celebraben el 8 de Setiembre la festividá de Cuadonga dende 1732.

Contador Estadistiques