El Coro Santiaguín celebra'l Día del Sociu con una actuación en Sama

Diba celebrase na plaza que lleva'l nome en Sama, pero'l mal tiempu obliga a treslladar l'eventu baxo techu.

L'actuación va celebrase a les 19 hores y constitúi "un ofrecimientu de puertes abiertes a los conciudadanos del conceyu, en reciprocidá al constante y decidíu apoyu qu'éstos ufren", señalén dende l'Agrupación Langreana Laureado Coro Santiaguín. Va facese na ilesia de Santiago Apostol de Sama xunto col Coro Reconquista tres una misa oficiada en llingua asturiana. Darréu, l'actividá va continuar na sede social de La Montera.

El Coro Santiaguín ye una institución histórica creada nel añu 1932 en Llangréu, calteniendo la so actividá hasta güei, con namáí un parón pola Guerra Civil y la posguerra. Nesti tiempu algamó un importante reconocimientu que se caltién anguaño.