El consultoriu periféricu de Llastres va disponer d'un ascensor

Los usuarios del consultoriu periféricu de Llastres van poder evitar la rampa d'entrada y facer usu d'un ascensor nun plazu de trés meses. La Conseyería de Sanidá aprobó la construcción d'un elevador dende l'aparcamientu hasta la puerta del centru y la residencia del ERA.

La inversión total va ser de 96.777 euros y les obres van comenzar la selmana qu'entra, con un plazu de finalización de trés meses. El contratu axudicóse a la empresa Hermanos Sampedro Construcciones y los trabayos tienen como oxetivu ameyorar l'accesibilidá al centru, que da serviciu a un millar de vecinos de Llastres y núcleos cercanos.

El consultoriu periféricu nuevu de Llastres, allugáu nos baxos de la residencia de persones mayores y centru de día de la Conseyería de Servicios y Derechos Sociales, abrió les sos puertes en febreru. L'equipamientu inclúi dos sales de consulta amplies, una pa enfermería y otra pa medicina, una sala d'espera de 20 metros cuadraos y un pequeñu almacén. La execución de les obres, incluyíu l'ascensor, supera los 140.000 euros.