El Conseyu Regulador de la Faba cuenta con que xuba la producción y allegase a los 100.000 kilos etiquetaos

El Conseyu Regulador de la Indicación Xeográfica Protexíu (IXP) de la Faba Asturiana cuenta con qu’esti añu se dea una xuba de la producción de faba etiquetao de cerca del 13%, hasta allegase a los 97.823 kilos. Ello ye qu’hasta primeros de setiembre certificáronse 67.000 kilos pa los que s’editaron 172.472 contraetiquetes, una cantidá que s’espera qu’aumente hasta les 237.172 nos últimos cuatro meses del añu que ye cuando se produz la principal certificación del productu. Nel Conseyu Regulador hai rexistraos un total de 208 productores y cuéntase con que la producción total llegue a los 200.000 kilos, de los que va etiquetase ente’l 50 o’l 60%.