El Conseyu d'Europa afala a desendolcar una política de proteición pal gallego-asturiano

|
Oficialidá gallego-asturiano

El quintu informe encamienta a entamala de manera inmediata, al igual qu'incluyir l'idioma nel Estatutu d'Autonomía, onde nun se cita.

El Conseyu d'Europa espublizó ayeri el ‘Quintu Informe Sobre’l Cumplimientu n’España de la Carta Europea de les Llingües Minoritaries o Rexonales, del Conseyu d’Europa (2014-2016)’, nel que tamién analizó la situación del 'gallego/gallego-asturiano n'Asturies'. El Comité d'Espertos de la Carta Europea de les Llingües Minoritaries o Rexonales detecta "un cambiu políticu nel 2015" que desendolcó "nun sofitu mayor pal gallego-asturiano nel Principáu d'Asturies".

Destaca la presencia del idioma en Primaria y Secundaria, "anque entovía en desarrollu", que la fala "pue emplegase na alministración llocal y na vida social", y la so presencia en programes de televisión y radio, "pero non en periódicos en papel". Tamién qu'hai contautos con falantes "de rexones vecines" y que s'usa la toponimia llocal.

Les recomendaciones que fai'l Comité d'Espertos a les autoridaes españoles son, de manera inmediata, "desendolcar una política estructurada de proteición del idioma nel territoriu onde se fala (rexón del Eo-Navia)" y "incluyir el nome de gallego-asturiano nel Estatutu d'Autonomía d'Asturies", onde anguaño nun se cita. Como recomendación adicional, afala a la cooperación "con comunidaes autonómes vecines nes que s'usa l'idioma".

Contador Estadistiques