El Conseyu de la Mocedá d'Uviéu pide un serviciu de normalización pa la ciudá

El Conseyu de la Mocedá d'Uviéu (CMU) presentó ayeri martes al grupu políticu socialista na casa conceyu de la capital una propuesta na que pide se recupere la toponimia asturiana del conceyu y qu'esta s'emplegue nos rótulos oficiles del conceyu.

El presidente del CMU Paulino Feito presentó-yos a los conceyales socialistes Miguel Mojardín y Gonzalo Olmos los oxetivos del Conceyu de la Mocedá uvieín, que pasen per apautar midíes que garanticen la protección y defensa de la llingua ente les qu'habríen figurar una ordenanza d'usu y promoción de la llingua y la rotulación billingüe de les oficines del Conceyu, amás de la creación d'una oficina local de normalización asemeyada a les que funcionen n'otros conceyos d'Asturies encargada de llevar alantre midíes nesti sentíu. El Conseyu de la Mocedá d'Uviéu diz que'l Conceyu d'Uviéu yá-y tien pidíu a Política Llingüística l'espediente colos topónimos uvieinos y pide qu'esti s'aplique lo primero posible.