El Conseyu de Gobiernu decide les medayes d'Asturies 2024

Van entregase'l Día de la Nación Asturiana.

Cinco son les persones a los que se-yos concede la medaya d'Asturies esti 2024, dos a títulu póstumu. El Conseyu de Gobiernu celebráu esta mañana en Cuaña decidió proponer tamién un fíu predilectu y dos adoptivos, qu'han ser ratificaos nesti casu pola Xunta Xeneral.

Los condecoraos son la investigadora Adonina Tardón, l'artista Consuelo Vallina y al militante antifranquista y primer alcalde democráticu de Llaviana, Pablo García Fernández. Amás, tamién se quier reconocer al alcalde de Mieres, Aníbal Vázquez, y al periodista Marcelino Gutiérrez, direutor de 'El Comercio', que nos abandonaron esti 2023.

Como fíu predictu d'Asturies propúnxose al cardenal gozoniegu Ángel Fernández Artime, el séptimu de la historia del país. Mentes, los hispanistes franceses Yvan Lisorgues y Jean François Botrel, consideraos los máximos espertos mundiales na obra de Leopoldo Alas 'Clarín', suxérense como fíos adoptivos.

El reconocimientu a toes estes persones y entrega de les medayes va facese'l 8 de setiembre, Día d'Asturies, nun actu institucional.