El conseyeru de Salú reconoz problemes de falta de personal médicu

El conseyeru de Salú y Servicios Sanitarios, José Ramón Quirós García, reconoció nun actu celebráu en Pezós la existencia de "dificultaes" pa cubrir les vacantes médiques n'Asturies y de manera especial nes ales d'Asturies.

Según el conseyeru, nun se trata d'un problema de financiación sinón del fechu de que "nun hai médicos en paru". También criticó que'l problema deriva "de la falta de planificación del gobiernu d'España hai diez años nes facultaes de medicina".

El responsable asturianu de salú consideró que la solución a estos problemes pasa pola "derivación de recursos asistenciales" nel sentíu de realizar una colaboración organizativa ente les árees sanitaries".

José Ramón Quirós refugó amás les primes monetaries por tresllaos porque "nun se pue permitir la llucha pol médicu a ver quién paga más, sinón que más bien apuesta pola idea de lluchar por una Asturies "pol too con solidaridá".

Anque'l conseyeru también reconoció que "llistes d'espera va habeles siempre", también consideró necesario realizar un mayor esfuerciu a esti respecto con una llei d'ordenación de serivios sanitarios que contemple los derechos y deberes de los ciudadanos.