El Congresu avala la intervención militar en Libia

MADRID, 22 de Marzu (EUROPA PRESS) El Plenu del Congresu avaló esti martes la participación española na intervención militar multinacional pa garantizar una zona d'esclusión aérea en Libia y protexer a la población de la represión del réxime. La solicitú d'autorización presentada pol Gobiernu aceptáronla 336 de los 340 diputaos presentes (PSOE, PP, CiU, PNV, ERC, ICV, CC, UPyD y UPN). Trés votaron en contra (dos del BNG y el d'Izquierda Unida), lo que supón menos del 1 por cientu de la Cámnara, y rexistróse amás una astención nes files del PP, presumiblemente por error.