El Congresu aprueba una moción que llama a reformar l'Estatutu d'Autonomía

|
Albert Rivera

La propuesta de Ciudadanos pa reformar la Constitución nun plazu de trés meses y finar colos aforamientos encamienta a los Parllamentos autonómicos a facer lo propio.

A pesar de les diferencies esistentes ente toles formaciones polítiques sobre'l criteriu, plazos y algame de la midida, nenguna votó ayeri en contra. PSOE, PP, Compromís y Nueva Canarias sofitáronla, mentes que Foro y el restu de fuercies astuviéronse.

La moción plantegaba una reforma de la Constitución en trés meses pa finar colos aforamientos, votación que se produxo un día depués de que'l propiu presidente Pedro Sánchez tamién defendiera una modificación 'exprés' de la Carta Magna, anque con diferentes criterios que la propuesta pola formación naranxa. L'alderique ta abiertu sobre una cuestión qu'afeutaría a senadores y diputaos, pero que nun tocaría a los parllamentarios autonómicos, que siguiríen aforaos pol mandatu de los sos estatutos d'autonomía.

Poro, la iniciativa aprobada ayeri encamienta a los parllamentos a facer lo propio. Nel casu d'Asturies, la reforma del Estatutu yá taba nel alderique políticu tres l'aumentu de los apoyos a la oficialidá de la llingua asturiana y el gallego-asturiano, un procesu que podría abrise d'avanzar l'interés de los grupos políticos en finar colos aforamientos y que pondría otra vegada la cuestión llingüística sobre la mesa.

Na imaxe, Albert Rivera defende la moción ayeri nel Congresu. Semeya de Ciudadanos.

Contador Estadistiques