El Congresu aprueba tramitar la reforma de la Constitución

|

PNV, ERC-IU-ICV, BNG, UPyD y Nafarroa Bai foron les formaciones que votaron en contra de la reforma de la Constitución que defende’l PSOE y PP. L’ex sindicalista Antonio Gutiérrez rompió la disciplina de votu del grupu socialista.
 
En total foron 318 los diputaos qu’optaron pol sí –los del PSOE menos Gutiérrez, UPN y PP, a esceición de cuatro populares que nun foron a la votación– frente a los 16 los que se decidieron pol non. Mentes, los dos de Coalición Canaria astuviéronse y los diez de CiU prefirieron nun votar. Tres aprobase la tramitación d’urxencia de la reforma, los grupos parllamentarios tienen 48 hores pa presentar enmiendes que van debatise’l vienres.
 
Pa esa xornada ta prevista l’aprobación definitiva de la reforma nuna votación nueva nel Congresu. Tres esta decisión, los miembros de los grupos parllamentarios tienen diez díes pa solicitar la celebración d’un referéndum pa consultar a la ciudadanía, pa lo que sería necesario qu’un 10 por cientu del total de los diputaos o senadores escueya esta posibilidá.

Contador Estadistiques