El conciertu pola Oficialidá protagoniza l'axenda del fin de selmana

El Conciertu pola
Oficialidá ye'l protagonista indiscutible na nuesa axenda d'ociu pa
esti fin de selmana n'Asturies, un eventu qu'axunta la faceta reivindicativa
cola musical. Y ye que yá ye tradicional que por estes feches la Xunta
pola Defensa de la Llingua Asturiana organice'l Conciertu pola
Oficialidá, nesta ocasión na so XIX edición. El conciertu
va celebrasse esti sábadu nuna carpa xigante con dos
escenarios independientes nos que van dir alternándose les actuaciones
de: Tuenda, Llangres, Dulcamara, Lafu y Rebeca Velasco, Toli Morilla, Chalaneru
Soundsystem, K-Nalón y Skama la Rede y va asitiar n'aparcadera del
Carlos Tartiere, emprincipiando a les 19:30 de la tarde.

Al día dempués, domingu 29, l'Axenda d'ociu ufiértanos actividaes como'l conciertu de jazz del saxofonista Jean-Yves Fourmeau y l' Ensemble de Saxofones del Conservatoriu d'Uviéu, con temes de Debussy, Sanean, Piazzola, Turína y Marcello, o l'actuación de la Orquesta Nacional del Capitoliu de Toulouse, tamién na capital asturiana. Mas actividaes
d'ociu na nuesa axenda.