El conciertu de Nuberu del domingu va principiar a les 20.15 hores

Yá ta confirmáu l’horariu del conciertu de Nuberu d’esti domingu nel Teatru Nuevu de La Felguera que va servir de pieslle de les II Xornaes Culturales ‘Los xueves de castilletes y carbón’. Va ser a les 20.15 hores y la entrada, la voluntá.
 
D’esta forma, los asturianos van poder disfrutar otra vuelta del grupu históricu encabezáu por Chus Pedros y Manolo Peñayos enriba l’escenariu tres una dispidida que los llevo per tola xeografía nacional. Va ser un fechu que va repetise tolos años coincidiendo cola festividá minera de Santa Bárbola tres la celebración de les xornaes culturales ‘Los xueves de castilletes y carbón’ qu’entamen dende l’añu pasáu la Fundación Nuberu y el Conceyu de Llangréu. Tres l’ésitu del macroconciertu de la primer edición na esplanada del pozu María Luisa, nesta ocasión decidióse facer dalgo más íntimu nel Teatru Nuevu de La Felguera. La idea ye, que p’años venideros, esti conciertu especial se celebre n’otros puntos de la cuenca’l Nalón.
 
Les xornaes van vivir esti xueves l’actividá última previa al conciertu de Nuberu, una ponencia entitulada ‘La huella etnográfica de la mujer en la cultura asturiana reciente: desde la ruptura con la vida campesina hasta la crisis del modelo industrial. Apuntes sobre un futuro incierto', a cargu de Heriberto Gutiérrez García. Va ser a les a les 20 hores nel Centru de Referencia de la Cultura y la Llingua Asturiana Casa de los Alberti, en Ciañu.