El Conceyu d'Uviéu pide poner la bandera d'España nel balcón con un llazu prietu

En señal de duelu "por los fallecidos por coronavirus en nuestro país".

El Conceyu d'Uviéu, gobernáu pol Partido Popular (PP) y Ciudadanos, emplegó esta mañana les redes sociales pa facer una llamamientu a les uvieínes y uvieínos pa que pongan la bandera d'España en ventanes y balcones con un llazu prietu. Nun tardó n'abrise un alderique ente los usuarios de Twitter y Facebook sobre esta iniciativa.

Una de les primeres midíes del bipartitu a la llegada al gobiernu municipal foi precisamente la instalación d'una gran bandera d'España, con un gastu superior a los 50.000 euros, nun mástil na plaza la Escandalera.

El @aytoviedo invita a todos los vecinos a que coloquen en sus ventanas o balcones una bandera de España con un crespón negro o en su defecto un lazo negro en señal de duelo por los fallecidos por coronavirus en nuestro país. #SiempreEnNuestroRecuerdo pic.twitter.com/w5fRq2KtDb

— @aytoviedo (@aytoviedo) April 23, 2020