El Coleutivu Ecoloxista d’Avilés denuncia vertíos d’agües residuales nel ríu Arlós

Una avería nun rexistru del colector que da al ríu Arlós, a l’altura de la cai La Vega 1 de Villalegre, ta provocando vertíos continuos d’agües residuales. El Coleutivu Ecoloxista d’Avilés denunció esta situación a la Confederación Hidrográfica y al Gobiernu.
 
“A pesar de que se trata d’un colector que tien problemes de rebosamientu, nun acaben de reparalu de forma adecuada, vertiendo agües de manera continua al ríu, fechu que s’agrava cuando llueve, contaminando la totalidá del calce agües abaxo”, señalen dende’l coleutivu. Esta situación “pon en pelligru la recuperación de la fauna del ríu, procesu que taba avanzado poco a poco, como podía vese dende les orielles”, añaden.
 
Con esta denuncia, el Coleutivu Ecoloxista d’Avilés pretende que les alministraciones responsables d’esta situación igüen esta avería que vien de selmanes p’atrás, según afirmaron los vecinos de la zona a los ecoloxistes.