El Códigu Civil nuevu multiplica los pasaportes españoles

Desque entamare a valer la redacción nueva del Códigu Civil en
materia de nacionalidá son yá más de 22.500 descendientes d'emigrantes españoles los que recuperaron el pasaporte español. De siguir esti ritmu, el CERA (Censu d'Españoles REsidentes nel Estranxeru) podría tener guapamente nel 2004
más de 1.200.000 persones apuntaes, una cantidá que va tener de siguir creciendo nun procesu que cuenten con que vaya durar sobre cuatro o cinco
años y que se vive con más interés nos países onde más manca la crisis económica, casu de l'Arxentina, onde se cuenta con qu'hai, namás en Buenos Aires 350.000 persones que podríen pidir el pasaporte. Según el Ministeriu d'Esteriores ente xineru y marzu presentáronse un total de 130.000 solicitudes de información y 38.000 expedientes de
nacionalidá de los que se resolvieron en positivo un total de 22.500.