El coche d'Alonso ruempe n'Indianápolis

Anque les estrelles nel Gran
Premiu de los EEXX de Fórmula 1 yeren Michael Schumacher, Montoya y
Raikonen, los tres pilotos que lluchaben pol campeonatu mundial,
contábase con que el Renault d'Alonso ficiere d'arbitrio na contienda,
pero ello nun pudo ser. Alonso, que por resultaos ye'l primer pilotu del
equipu, recibió otra vegada'l motor vieyu, que rinde venti cv menos
que'l nuevu, que montó otra vegada'l coche de Trulli. Con too y con
ello, Alonso marcó meyor tiempu nos entrenos que l'italianu y
quedó per delantre de Schumacher y Montoya na parrilla de salida. Pero
ello nun foi abondo. Aparte de que Schumacher fizo una salida de llibru, l'agua
estropió toles estratexes de carrera, y Alonso tuvo qu'entrar tres
vegaes a boxes hasta que na vuelta 46 arreventó'l motor cuando diba en
sesta posición. Alonso yera nesi intre'l pilotu más rápidu y la pista taba acabante de secar tres de la lluvia. Schumacher ganó a lo gran campeón, entrando a cambiar ruedes de seco a moyao y de moyao a seco siempre nes situaciones más afayadices y agora yá namás necesita un puntu pa ser campeón, mientres que Montoya tuvo''l peor dia del añu y acabó nos puntos de chiripa. Segundu foi Raikkonen, un terceru en discordia al dase la salida y qu'agora ye l'unicu que pue quitá-y el títulu al alemán Trulli, col otru Renault, acabó en cuarta posición.