El cielu escampláu va permitir disfrutar del espectáculu de les Perseides

Les Perseides o llárimes de San Llorienzu van algamar la so actividá máxima na madrugada d'esti vienres. Esta lluvia d'estrelles de gran guapura va poder disfrutase ensin torgues por mor del cielu escampláu previstu.

Los restos del cometa Switf-Tuttle provoquen esti meteoru al atravesar l'atmósfera de la Tierra, dalgo que se da tolos años a mediaos d'agostu, recibiendo'l nome de llárimes de San Llorienzu, quemáu nuna parrilla, pola próximida col 10 d'agostu. Pese a que les Perseides pueden vese estos díes, ye esta nueche cuando van tener más intensidá.

Ta previsto que sía de 2 a 6 hores cuando puedan ser visibles nel cielu asturianu ensin falta d'utilizar telescopiu o prismáticos. L'Observatoriu de Deva, en Xixón, ufre unes xornaes especiales güei y mañana coincidiendo con esti fenómenu, con una charra sobre les Perseides a les 22 hores nel Centru d'Interpretación de la Naturaleza del Monte Deva y una esposición sobre astronomía.