El Chad guarda los primeros humanos

Un equipu d'arqueólogos y antropólogos d'una espedición
franco-chadiana dirixíos pol caderalgu Michel Brunet tan acabantes de
desanubrir n'El Chad el cráneu d'un homínidu que daten en siete millones
d'años d'antigüedá y dieron en llamar Sahelanthropus tchadensis. De ser
verdá, Toumai (que quier dicir esperanza de vida en goranés), que ye
l'alcuñu del fósil, sacaría-y más de tres millones d'años a Lucy,
l'Australopitecus afarensis que descubrieren en 1974 en Hadar (Etiopía)
Donald Johanson y que se tenía hasta agora pol antepasáu más vieyu de la
nuestra especie. Pa saber más, recomendamos esti artículu de la revista Nature o cualquier periódicu francés, como Liberation o Le Monde que güei
dan toos l'anuncia en portada