El Centru Asturianu de Xinebra, sede del Día de les Lletres Asturianes nel Esterior

Esti sábadu los emigrantes asturianos de Xinebra tienen una doble celebración. El centru asturianu d’esta población suiza acueye los actos del Día de les Lletres Asturianes nel Esterior, xornada que los sos responsables aprovechen pa entamar el Día d’Asturies.

El Gobiernu organiza dende hai una década el Día de les Lletres Asturianes nel Esterior cola mira de “promover y estender la llingua y cultura asturianes, y caltener el contactu cultural y llingüísticu colos colectivos de la emigración”, cita qu’esti añu tien llugar en Xinebra. Por ello desplazáronse a Suiza Paz Fernández Felgueroso, presidenta del Conseyu de Comunidaes Asturianes, y Ana María Fueyo Llaneza, direutora xeneral de Política Llingüística.

Los actos de la xornada van principiar a les 16 hores y a lo llargo de la tarde va haber delles actividaes que van rematase con una cena compuesta por pixín en salsa marinera y filete de xatu, con tarta de San Marcos de postre. Darréu va finar la celebración con un baille.