El Centru Asturianu de Cangas del Narcea de Buenos Aires acueye'l Día de les Lletres Asturianes nel Esterior

Esti sábadu'l Gobiernu celebra'l Día de les Lletres Asturianes nel Esterior, que va tener llugar nel Centru Asturianu de Cangas del Narcea de Buenos Aires. El domingu, l'actividá va treslladase al Centru Asturianu de Buenos Aires, que celebra'l so 103 aniversariu nel Campu Cuadonga con una 'gran fabada'.

La direutora xeneral d'Emigración, Begoña Serrano, y la presidenta del Conseyu de Comunidaes Asturianas, Paz Fernández Felgueroso, empezaron güei un viaxe institucional a Arxentina y Uruguai, nel que van reunise con representantes de centros asturianos d'estos dos países y de Chile y Brasil pa evaluar l'aplicación del IV Plan d'Emigración y comenzar la ellaboración del documentu nuevu coles propuestes que se presenten. D'igual forma, aprovechen el desplazamientu pa celebrar mañana el Día de les Lletres Asturianes nel Esterior, que va tener como sede'l Centru Asturianu de Cangas del Narcea de Buenos Aires.

A partir de les siete de la tarde, hora arxentina, va entamase esti homenaxe a la nuesa lliteratura cola intervención Xulio Arbesú, y a la nuesa música con Anabel Santiago. Tamién va baillar el Conxuntu Raíces Asturianes del Centru Xuventú Asturiana de Siero y Noreña.

Otra manera, mañana va celebrase una 'gran fabada' nel Centru Asturianu de Buenos Aires pa celebrar los sos 103 años de vida, nel que tamién van participar les representantes del Gobiernu asturianos y de los diferentes centros asturianos presentes na reunión de güei. Nella tamién ta prevista l'actuación d'Anabel Santiago, ente otres munches actividaes.