El Caudal-Lealtad, n’asturianu en RTPA

|
RTPA

El primer duelu ente equipos asturianos en Segunda División B d’esta temporada va poder siguise en llingua asturiana tanto en TPA como en RPA. El choque ente mierenses y maliayos va disputase’l domingu al meudía nel Hermanos Antuña.

Miguel Fernandi va encargase de los comentarios na televisión pública, pa lo que va tener l’apoyu de Nacio González. Mentes, na radio, Fernando García de Dios va ser el responsable de la retresmisión nel nuesu idioma.

El Lealtad llega a esta tercer xornada de Lliga depués de perder en casa col Burgos por 0-1 con un gol de Youssef nel minutu 61, verdugu precisamente del Caudal na primer xornada. Pela so parte, los de Paco Fernández nun pasaron del empate ensin goles col Leoia nel Hermanos Antuña.

Tres estos dos primeros partíos, los maliayos ocupen el puestu novenu de la tabla con 3 puntos, mentes que los mierenses son decimoquintos con 1 puntu, los mesmos que marquen el descensu.

Contador Estadistiques