El Caudal desciende a Tercera División

|
Logu centenariu del Caudal

El Sporting xuvenil, campeón del grupu I de División d'Honor tres ganar en Pontevedra.

L'añu del centenariu del Caudal nun ta siendo lo feliz que merez l'afición mierense, que l'añu próximu va ver al so equipu en Tercera tres dos temporaes en Segunda División B. La derrota d'ayeri énte otru equipu tamién en puestos de descensu, el Peña Sport (0-2), xuníu al empate del Vitoria en Barakaldo (1-1), lleven los de la cuenca a la perda de la categoría.

Nun va tener tampoco fácil evitar el descensu'l Lealtad, a 8 puntos del Izarra, qu'ocupa la plaza de promoción, cuando queden 15 en xuegu. Los de Villaviciosa cayeron ayeri con ún de los equipos fuertes de la categoría, el Real Racing Club, por 1-2.

La noticia positiva pa los equipos asturianos del grupu 2 de la Segunda División B ye'l filial del Sporting, más líder tres el pinchazu del Mirandés en Tudela (1-0) na tarde d'ayeri. Los de José Alberto López Menéndez ganaron pela mañana mui cerca, n'Iruña al Osasuna B (0-1), y aumenta a los 4 puntos la so ventaya colos burgaleses.

Cuartu títulu

Seis temporada depués, el Sporting torna a quedar campeón del grupu 1 de División d'Honor xuvenil, el so cuartu títulu baxo'l formatu actual, establecíu nel 1995. El conxuntu dirixíu pol ex futbolista Isma derrotó por 1-3 al Pontevedra tres el sustu de la xornada anterior en Mareo col Bansander (0-1) y va lluchar agora xunto colos campeones del restu de grupos pola Copa de Campeones: Athletic Club, Barcelona, Málaga CF, Atlético, Las Palmas y Atlético Madrileño, amás del Tenerife como subcampeón con más puntos. 

El Sporting, como primeru, tamién consigue plaza pa la Copa del Rei, al igual que'l Deportivo, subcampeón. L'Uviéu y el Roces, quintu y sestu clasificáos, de manera respeutiva, caltienen la categoría, mentes que desciende'l Llano 2000 xunto col Areosa, el Santiago de Compostela y el Racing Club Villalbés.

 

Contador Estadistiques