El Caudal caricia l'ascensu a Segunda B

|

Ganó por 0-2 n'Haro, un resultáu que dexa la eliminatoria encarrilada a los d'Iván Ania.

Un gol de Javi Sánchez ensin tar cumplíu'l minutu 1 de xuegu amosó al Haro que los de Mieres nun veníen a especular. L'añu pasáu'l Caudal quedara elimináu precisamente colos rioxanos y la lleición de Boiro na eliminatoria de campeones quedó grabada a fueu na mente de los homes d'Ania, qu'acaricien yá l'ascensu a Segunda División B.

El Caudal dominó'l restu del partíu y algamó la recompensa nel tramu final con un tantu de Quero. El sábadu, a les 18.30 hores nel Hermanos Antuña, los mierenses deberán certificar el cambiu de categoría nuna temporada práuticamente inmaculada.

 

Contador Estadistiques