El casu Bocanegra, en Conceyu Abiertu

Tolos partíos políticos de la oposición echaron pa contra l'actuación de la Conseyería d'Educación, qu'incluyó l'equipu dirixíu por Raul Bocanegra ente los beneficiaos pol Plan d'Escelencia Universitaria. El que Bocanegra seya un collaborador de vieyo del Presidente asturianu y el que'l mesmu fíu del presidente Areces tea nel grupu d'investigación de Bocanegra nun escapó a l'atención de PP, IX y URAS, qu'ayeri criticaron en parlamentu l'actuación del Principáu. Izquierda Xunida espubliza esti comunicáu en qu'acusa al Gobiernu de nepotismu y d'emporcar la rellación cola Universidá d'Uviéu. Pa los grupos de la oposición, el Gobiernu nun respetó los criterios de l'Axencia Nacional d'Evaluación al da-y l'ayuda a l'equipu de Bocanegra.En Conceyu Abiertu plantegamos la cuestión. ¿Paezte qu'hai favoritismu nel casu Bocanegra?

Contador Estadistiques