El CAO prepara la manifestación pola oficialidá del día 24

El Conceyu Abiertu pola Oficialidá, plataforma qu'axunta a más de cien organizaciones de tou tipu na demanda común de que se reconoza l'asturianu como llingua oficial na próxima reforma estatutaria, calez motores con vistes a la manifestación que va facese'l próximu sábadu 24 de payares n'Uviéu a les 6 de la tarde con salida de la estación de Rende y que va tar precedida de marches a pie dende Avilés, Xixón, Trubia, La Felguera, La pola Siero y Mieres. Ente les actividaes pa facer llegar el mensaxe de la convocatoria y tresmitir a la opinión pública l'estáu sobre la cuestión del reconocimientu de la llingua, los militantes del CAO, que ya celebraron a lo llargo de les ultimes selmanes caravanes informatives per L.lena, Ayer y el suroccidente, van poner esti fin de selmana meses informatives na capital asturiana.