El Camonéu con denominación d'orixe sal al mercáu

La Unión Europea autorizó la comercialización del quesu de Camonéu con denominación d’orixe. L’autorización ha permanecer seis meses a información pública, y, en pasando esi tiempu, esti quesu deloriente asturianu va pasar directamente al rexistru de marques de la UE con dos variantes reconocíes, la del puertu y el del valle. Ensin falta d’esperar que pasen esos seis meses, dende güei yá ta a la venta’l Camonéu con denominación d’orixe con motivu de la celebración del Concursu y esposición de quesos de los Picos d’Europa, que se celebra en Cangues d’Onís.