El cable perpasa al ADSL n’Asturies

Asturies ye la comunidá autónoma española onde 'l númberu d'accesos a Internet por cable superen al ADSL y na que más tantu por cientu de viviendes reciben canales de televisión al traviés del cable, acordies cola última encuesta del Institutu Nacional d'Estadística, qu'atropa datos del últimu semestre del 2005. Nella conséñase que n'Asturies el 39,5 por cientu de les viviendes tan conectaes a la rede al traviés del cable, ello cuando la media estatal ye del 13,1%. Pela contra, namás un 35% de les cases asturianes entren a la rede al traviés del ADSL, ello cuando la media española nesta conexón ye del 53,3%. N'accesu a canales de TV de pagu, Asturies tamién contradiz les medies españoles, y asina mientres el 29 por cientu de los usuarios de TV empleguen el cable, namás el 18,5 por cientu usen antena parabólica, al revés que la tendencia estatal, qu'arrequexa'l cable al 12,1% y que-y da a la parabólica una presencia del 12,1%. La TV dixital terrestre apaez yá nos últimos meses del 2005, pero namás tien un probetayu 1,5 por cientu de penetración.