El Bloque critica que’l Teatru Xovellanos nun use la toponimia

|

El Bloque por Asturies de Xixón criticó la “falta d’interés y voluntá” del Teatru Xovellanos pa cola toponimia oficial xixonesa. Los asturianistes critiquen que la empresa pública incumple l’alcuerdu toponímicu de 2006.

N’ochobre de 2006 la Xunta de Toponimia del Principáu d’Asturies y l’Ayuntamientu de Xixón afitaron los nomes oficiales de los barrios y parroquies xixoneses. Sicasí, según denuncia’l BA, “dalgunes empreses municipales, como nesti casu'l el Teatru Xovellanos vien ninguneando esti alcuerdu, colo que tán incumpliendo la Llei”.

L’agrupación xixonesa del Bloque por Asturies pon d’exemplu los cartafueyos de les fiestes de branu editaos pola citada entidá pública. “Falaba de les fiestes en Ciares, Llorio y Cimavilla, refiriéndose a los barrios como “Ceares, Leorio y Cimadevilla”, esponen.

“De poco sirven les lleis destinaes a la recuperación y normalización de la llingua asturiana si dempués nun se ponen en práctica pela parte de les instituciones” sentenció’l Bloque por Asturies xixonés, encamentando al Teatru Xovellanos y demás empreses municipales a respetar y facer respetar la toponimia llegal.
 

Comentarios

Non ye ñuevu isto ,la burlla  ta faciendose per toos los llaos,non se usa la toponimia ,solu ta fecha nel papel ,nos mesmos programes de les fiestes del branu en Xixon taben tou en castellan!!Asina que se burllen de tou.
Fai bien el Bloque en criticarlo , sacando el tema a la llu pa que se abran los güeyos!!

Contador Estadistiques