El biodiesel llega a Asturies

L'Axencia Local de la Enerxía del Nalón ta pa echar a andar un proyectu pilotu en tres llínies de distintes empreses de la cuenca pa que los autocares municipales de la comarca puedan emplegar nun futuru combustible biodiesel, un carburante fecho con aceites vexetales reciclaos y que, amás de valir pa recuperar estos residuos, ye menos contaminante que'l gasoleo normal. De pintar bien, el proyectu podría acabar cuayando en forma de planta dedicada a recuperar estos aceites n'Asturies y facer con ellos biodiesel. El proyectu vien a coincidir nel tiempu coles xornaes sobre enerxíes renovables que l'Axencia Local va facer en Llangréu pal mes qu'entra. Pa más información paga la pena la visita al web de l'Axencia (disponible n'asturianu)