El bercianu Merillas y la vasca Osinalde ganen la Travesera de Picos

El vencedor tardó 12 hores en percorrer los 74 quilómetros de la espectacular prueba.

Manuel Merillas, corredor del club La20Veinte, tontó a proclamase trés años depués vencedor de la Travesera Integral Picos de Europa, anque nun pudo superar el so propiu récor de 10 hores, 41 minutos y 15 segundos. El bercianu rexistró un tiempu de 12 hores, 1 minutu y 25 segundos, sacando 33 minutos al segundu y tercer clasificaos, el vascu Ion Azpiroz y el cangués Antonio Blanco, de manera respeutiva, que llegaron xuntos a meta.

La primer muyer, la trentena quinta de los 450 participantes, foi Aitziber Osinalde, del club Izadi Zaleak, que marcó un tiempu de 15 hores, 30 minutos y 4 segundo. Completaron el podiu la canguesa Claudia Gutiérrez Lueje (16:12:34) y la llanisca Raquel Santoveña (16:42:23).

La competición d'esti añu, que tien como salida'l Repelao en medianueche y llegada'l mesmu sábadu n'Arenas, tuvo marcada pola numberosa nieve nes zones altes, el barru dende l'aniciu y la meteoroloxía inestable. El desnivel positivu de 6.560 metros y el negativu de 6.585 convierten a esta carrera de montaña na más dura de les que s'entamen nel Estáu.

Na semeya: Manuel Merillas na meta d'Arenas.