El Barjola va presentar una muestra de pintores asturianos nacíos nes décades del 60, 70 y 80

El xixonés Muséu Barjola va acoyer dende’l 10 de marzu al 12 de xunu una muestra coles obres de pintores asturianos naciós nes décades del 60, 70 y 80. En total, van esponese les creaciones de 50 artistes asturianos o con relación col nuesu país.
 
Toles obres espuestes van proceder de los fondos del Muséu de Belles Artes d’Asturies, centru hermanu del Barjola “por xugar un papel destacado na difusión, nestos años últimos, de lo meyor del arte asturiano actual”, asegura Alfonso Palacio, comisariu de la esposición. La muesta, que va inaugurase’l xueves, a les 12.30 hores con un actu nel que van tar presentes la conseyera de Cultura y Turismu, Mercedes Álvarez, y el direutor xeneral de Turismu y Patrimoniu Cultural, José Luis Vega, “propónse como oxetivu prioritariu analizar lo que foron dalgunos de los caminos principales polos que avanzó la creación contemporánea n’Asturies nes dos décades últimes, asina como d’afitar l’atención en dalgunes de les figures yá consolidaes del nuesu panorama artísticu y n’otres que, pese a la so mocedá, lleven tiempu realizando un trabayu de gran interés”, comenta Palacio.
 
Los artistes seleicionaos pa esta esposición son Chechu Álava José Carlos Álvarez Cabrero, Fernanda Álvarez Jiménez, Irma Álvarez Laviada, Rinaldo Álvarez Menéndez, Ruth Álvarez Valledor, Agustín Bayón, Laura Blanco, Paco Cao, Maite Centol, Mario Cervero, Rosario Cimas, Soledad Córdoba, Carlos Coronas, Beatriz Corredoira, Jesús Cortina, Isabel Cuadrado, Julio Cuadrado, Jacobo de la Peña, Pablo de Lillo, Marta Fermín, Jorge Jovino Fernández Fernández, Daniel Fernández Jove, Hugo Fontela, Angélica García, Federico González Granell, Ramón Isidoro, Kely, Lara+Coto, Lisardo, Germán Madroñero, Pablo Maojo, Santiago Mayo, Benjamín Menéndez, Rebeca Menéndez, María Mieres, Marcos Morilla, Noelia Pañeda, Natalia Pastor, Javier Riera, Jaime Rodríguez., Jezabel Rodríguez Asperilla, Faustino Ruiz de la Peña, Avelino Sala, Fermín Santos, Guillermo Simón, Carlos Suárez, Cuco Suárez, Gabriel Truan, María Vallina, Javier Victorero y Luis Vigil.