El 75 por cientu de los llectores d'Asturies.com cree que'l PSOE va permitir gobernar a Rajoy

|

Tres la xornada eleutoral dedicamos el 'Conceyu Abiertu' al papel que xugaría'l PSOE como primer fuercia de la oposición na posible investidura de Mariano Rajoy. El 75 por cientu de usuarios cree que los socialistes van permitir al popular que gobierne.

El Partido Popular (PP) foi'l ganador de les eleiciones aumentando en númberu de votos y d'escaños en comparanza col 20-A, anque non cola mayoría suficiente pa formar gobiernu, polo qu'ha de negociar col restu de formaciones p'algamar apoyos. La posibilidá d'unes terceres eleiciones paez descartada por tolo que supondría, polo que too pasa por una gran coalición o por que Rajoy consiga l'astención del PSOE.

A la entruga '¿Permitirá'l PSOE gobernar a Mariano Rajoy?', un 75 por cientu votó pol 'Sí', mentes qu'un 25 por cientu considera que los socialistes van poner toles torgues posibles a un Gobiernu nuevu del PP.

Bimenes y la oficialidá nel restu de conceyos

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer la opinión de los nuesos llectores sobre qué va pasar n'otros conceyos tres el pasu dau por Bimenes de declarar otra vuelta la oficialidá del asturianu.

Contador Estadistiques