El 71 por cientu de los llectores d’Asturies.com cree qu’Álvarez-Cascos va gobernar en minoría

|

El ‘Conceyu Abiertu’ qu’entrugaba a los nuesos llectores sobre qué va pasar na votación del miércoles na Xunta Xeneral nun dexa llugar a duldes. El 71 por cientu cree que Francisco Álvarez-Cascos nun va salir presidente hasta’l vienres.
 
Tres la rotura de les negociaciones ente Foro Asturias Ciudadano (FAC) y Partido Popular (PP) el miércoles pasáu, punximos en marcha esti ‘Conceyu Abiertu’ pa conocer la opinión de los nuesos usuarios sobre qué diba a pasar na votación de candidatos a la presidencia del país. Una gran mayoría, el 71 por cientu, opina qu’Álvarez-Cascos nun va contar colos apoyos del PP pero que va gobernar en minoría, como paez que va asoceder. Mentes, un 17 por cientu considera que PP y FAC tán condenaos a entendese y qu’Álvarez-Cascos va salir presidente mañana colos votos de los populares tres llegar a un alcuerdu que, salvo sorpresa, nun se va dar.
 
Por último, un 12 por cientu de los llectores d’Asturies.com víen posible que la engarradiella ente FAC y PP fuera a más y que Javier Fernández pudiera salir presidente colos apoyos d’Izquierda Xunida-Los Verdes d’Asturies, una posibilidá que yá nun se pue dar al nun presentar el PSOE al so candidatu como presidente del país. Otra manera, los nuesos llectores pueden continuar votando na otra encuesta abierta n’Asturies.com na qu’entrugamos cuál ye la folixa más prestosa del branu.

Contador Estadistiques