El 69 por cientu de los llectores d’Asturies.com nun ve al cachopu como un platu con categoría pa representar la nuesa cocina

|

El cachopu, el platu más de moda anguaño, con repercusión inclusive fuera de les nueses llendes, nun ye una platu con categoría pa representar a la cocina asturiana. Asina opinen los usuarios d’Asturies.com que participaron en ‘Conceyu Abiertu’.

Un 69 por cientu respondió a la entruga ‘¿Ye’l cachopu un platu con categoría pa ser un referente de la cocina asturiana?’ con un ‘Non, hai otros platos más curiosos’, mentes qu’un 31 por cientu considera que ‘Sí, trátase d’una ellaboración digna pa representar la nuesa cocina’. L’ésitu del cachopu nos años últimos, que provocó la so presencia en espublizaciones especializaes de fuera del país y inclusive al so saltu a l’alta cocina, nun ta exentu de polémica poles munches persones que consideren que n’Asturies hai otres munches creaciones más dignes d’abanderar la cocina asturiana.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer el paecer de los nuesos llectores sobre la repercusión política que tiene los numberosos casos de corrupción esistentes n’Asturies nos tiempos últimos.

Contador Estadistiques