El 68 por cientu de los llectores d’Asturies.com suel recibir regalos n’asturianu en Navidá

Los llibros y los discos n’asturianu suelen apaecer xunto a les zapatielles de los nuesos usuarios nes fiestes navidiegues. El 68 por cientu de los llectores d’Asturies que participó en ‘Conceyu Abiertu’ afirma que reciben regalos d’esti tipu nestes feches que s’averen.

La entruga plantegada nesta ocasión a los nuesos llectores yera ‘¿Suel recibir dalgún llibru o discu n’asturianu como regalu nes fiestes navidiegues?’, a lo qu’ún 68 por cientu contestó afirmativamente, por un 33 por cientu que respondió ‘Non’. Precisamente, dada la cercanía de la Navidá, el Gobiernu entamó recién una campaña al respeuto entitulada ‘Regala n’asturianu’ baxo’l lema ‘A la xente que quies, regalayos-un cachín d’Asturies’, que va durar hasta’l día 30.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer, coincidiendo col incendiu qu’amburó hai un añu parte del occidente del país, si considera que se tomaron les iniciatives necesaries al respeuto pa prevenir casos nuevos.